Skip to main content
Empfängerportaal
Empfängeropzioone

Päckli überchoo

Vo Aa wie Abholig plaane bis Z wie Zueschtelig ändere

Als Empfänger sitzed Si bi Planzer Pakeet mit am Schtüür. Zumindescht, was d’Zueschtelig betrifft. Uf öisem Empfängerportaal finded Si e Räie vo praktische Opzioone, demit Si Ires Päckli möglichscht schnäll und riibigsfrei chönd entgägenee. Über de Link, wo Si i öisere Ii-Meil oder SMS-Benaachrichtigung überchoo händ, chömed Si diräkt i öises Empfängerportaal und chönd deet di entsprächende Servissis nutze.

Empfängerportaal

Deet chönd Si 

  • Iri Sändig verfolge 
  • s’Zueschtelligsdatum verschiebe 
  • s’Deponiere vo Irere Sändig erlaube, sofern vom Absänder käis Deponierverbot beschtaat 
  • d’Zueschtelig nomal uuslööse, falls Si bim erschte Maal abwesend gsii sind
  • en Lifernaachwiis oder es Deponierföteli abrüefe

NÖI Planzer Päckli Schopp

Mit dem leited Si Ires Päckli a äine vo über 600 Abholschtandört i de Schwiiz um und holed’s deet ab.

MEE ERFAARE

Empfängeropzioone

Verfolge, schtüüre, umläite – Si händ’s i de Hand

Sobald Ires Päckli mit Planzer Pakeet zu Ine underwägs isch, chömed Si vom Absänder oder vo öis e Ii-Meil- oder SMS-Benaachrichtigung mit emene Link über. Über dä chömed Si uf öises Empfängerportaal und chönd daa verschideni Iischtelige voornää oder Informazioone abrüefe. Weli Möglichkäite Ine offeschtönd, hanget vom Absänder vo Irem Päckli ab.

1. Sändig verfolge

Mit dr Sendigsnummer chönd Sie rund um d’Uhr de Standort und dr Status vo Ihrem Paket verfolge.
Gäbed defür eifach Ihri Sendigsnummer i s nachfolgende Fäld i.

Under «Sändig» und «Sändigswääg» finded Si detäillierti Informazioone zu Irem Päckli. Wichtig: Us Sicherhäitsgründ müend Si sich über de Link i de Ii-Meil- oder SMS-Benaachrichtigung iilogge, demit Si Änderige a de Zueschtelig voornää chönd (z.B. Zueschteligsdatum aapasse).

2. Sändig nomal zueschtele oder im Planzer Päckli Schopp abhole

Es chan guet sii, dass Sie bi dr erste Zuestellig nöd erreichbar gsi sind. I dem Fall hämmer Ihne e Zuestellcharte i de Briefchaschte gleit. Uf dere Charte finded Sie en Zuestellschlüssel, mit em Sie i s Empfängerportal chömed. Das gaht übrigens au über de Link, wo mir Ihne per E-Mail oder SMS gschickt händ. Im Empfängerportal gsehnd Sie, wie Sie e zweit Zuestellig uuslöse oder e Abholig i eim Planzer Paket Shop organisiere chönd.

3. Deponiergeneemigung erteile

Im Empfängerportaal chönd Si öis beufträäge, Ires Päckli z’deponiere. Wääled Si under «Sändigsinformazioone» de Deponierort uus. 

Hiiwiis: Falls d’Opzion gääl hinderläit oder uusgraut isch, hät de Absänder vo Irem Päckli es Deponierverbot usegää. I dem Fall wänded Si sich bitte diräkt a Ire Absänder.

DEPONIERERLAUBNIS ERTÄILE

En allgemäini Deponiererlaubnis isch möglich, wänn käis Deponierverbot vom Absänder hiderläit worde isch und Si sich im Empfängerportaal regischtriered. Wichtig: Di allgemäin Deponierig isch nur uf Irere regischtrierte Ii-Meil-Adrässe gültig. Wiiteri Infos gits daa.

4. Lifernaachwiis oder Deponierföteli abelade

Wänn Ires Päckli deponiert worde isch, dänn chömed Si es Ii-Meil oder SMS mit emene Battn oder Link über. Dadrüber chömed Si is Empfängerportaal. Deet laded Si under «Liferbestätigung» Ire Lifernaachwiis oder Ires Deponierföteli abe.

Bruuched Si Hilf?

Si möchted Ires Päckli schnäll und riibigsfrei überchoo. Das möchtemer au. Wänn Si Fraage zum Empfang händ oder Hilf bruuched, dänn finded Si daa nützlichi Informazioone und Kontaktmöglichkäite.

HILF AAFORDERE

Aktuells und Wüssenswerts

Hinder d’Kulisse glueget

I öisne Gschichte und im Planzer-Blog erfaared Si Wüssenswerts, Aktuells und Zuekünftigs us erschter Hand.

Inovazioon

Mir händ d’Zuekunft vo de Päcklizueschtelig is Role braacht: Mit em «Planzer – Dynamic Micro-Hub with LOXO» teschtemer hooch automatisierts Faare i de Berner Ineschtadt.

MEE ERFAARE
Sändig verfolge
Offerte aafordere
Tschöpps

Erwarted Si es Päckli? Wänn Si öis Iri Sändigsnummere aagänd, verraated mir Ine, wos isch.

Sändigsnummere iigèè

Bruuched Si Hilf?