I dr Testphase – ab April 2026 für alli verfügbar.

Ihri neui Freiheit

Planzer Päckli Schopp

Si erwaarted e Sändig vo Planzer Pakeet, sind aber nüd ume. Für sonigi Fäll hämer de Planzer Päckli Schopp entwikklet. So chönd Si Iri Sändig deet überchoo, uufgää oder röturniere, wo’s für Sii am beschte passt.

Öb im Kwartierlade, a de Tankschtell, im Fitnessschtudio oder amene andere Alltagsort – öises wachsendi Netzwerch mit Päckli Schöpps umfasst hüt über 600 Schtandört i de ganze Schwiiz. Öppis händ si ali gmäinsam: Si sind diräkt i Irer Nööchi und händ attraktiivi Öffnigsziite. So chönd Si Iri Päckli bekwääm und flexiibel abhole oder zruggschikke, wänn und wo immer es Ine gläge chunt.

Planzer Päckli Schopp werde
Si händ en optimal glägnigs Gschäft, mir s’Konzept.

PLANZER PÄCKLI SCHOPP WERDE

Planzer Päckli Shopp bütet ganz neui Möglichkeite

Voortäil vomene Päckli Schopp

Päckli flexiibel verschikke und überchoo

Au usserhalb vo de klassische Zueschtellziite

Praktischi Öffnigsziite nutze

Länger offe oder 24/7-Abholboxe – ideaal für Bruefstäätigi und Pändler

Äifach hii- und wäggchoo

I urbaane und ländliche Gebiet zentraal gläge

De Umwält öppis Guets tue

Dank naachhaltige Zueschtelllöösige mit weniger Zueschtellfaarte

Päckli Schopp nutze

So äifach funkzioniert’s

Mit em Planzer Päckli Schopp verschikked und empfanged Si Päckli no äifacher. Egaal, öb Si es Päckli i Irere Abwesehäit umläited, e verpassti Zueschtelig abholed, e Sändig röturniered oder es nöis Päckli im Päckli Schopp uufgää möchted.

Päckli überchoo

1

Päckli umläite

Si händ öppis bschtellt und wüssed, dass Si bi de Zueschtelig nüd aawesend sind. Si chönd Ires Päckli no vor em erschte Zueschtellversuech bekwääm an en Planzer Päckli Schopp vo Irere Waal umläite.

👉 Über de Link «Sändig verfolge» i de Benaachrichtigung, wo mir Ine per Ii-Meil oder SMS gschikkt händ, glanged Si is Empfängerportaal. Deet wääled Si under «Sändigsinformazioone» de gwünschti Päckli Schopp uus.

2

Päckli abhole

Si sind nüd dihäi gsii, wo Ine öise Päcklizueschteller Ires Päckli hät welle übergää. Mir händ Ires Päckli in en Planzer Päckli Schopp i de Nööchi braacht und e Zueschtellchaarte i Irem Briefchaschte hinderlaa.

👉 Mit em Zuestellschlüssel uf Irere Chaarte chömed Si is Empfängerportaal. Deet gseend Si, i welem Päckli Schopp Ires Päckli zum Abhole parat liit.

Päckli verschikke

3

Päckli röturniere

Ganz egaal werum, aber Si möchted es Päckli an Absänder zruggschikke. Au das erlediged Si schnäll und bekwääm über de Planzer Päckli Schopp.

👉 Logged Si sich is Empfängerportaal ii und wääled Si «Sändig röturniere». Drukked Si s’Rükksändeetikett uus und bringed Si Iri Rötuure in en Planzer Päckli Schopp i de Nööchi. Deet nämed mir’s choschteloos entgäge und bringed’s zum Absänder zrugg.

4

Päckli verschikke

De Planzer Päckli Schopp erschpaart Ine langs Aaschtaa am Poschtschalter. I zaalriiche Planzer Päckli Schöpps gänd Si Ires äinzelne Päckli au als Privaatperson uuf.

Päckli Schopp werde

Als Gschäft von vilne Voortäil profitiere

Nööchi, Flexibilitäät, Nutzigskomfoor – das ales und äiniges mee büütemer öisne Chunde. Wänn Si das mit Irem Gschäft au so handhabed, dänn söttemer öis känelerne. Dänn mir boued öises Päckli-Schopp-Netzwerch laufend uus und sueched nöii Schtandört. So büütemer öisne Chunde no mee Opzioone und mached Ires und öises Bisness no attraktiiver.

Werded au Si en Täil devoo – und profitiered Si vo zaalriiche Voortäil:

Zuesätzlichi Laufchundschaft:
Wer Päckli abholt, umläitet oder uufgit, chunt i Ires Gschäft. Dä Zuesatz-Träffig choschted Si nüüt. Dänn mir schteled s’ benöötigte Materiaal und übernämed di technischi Aabindig.

Attraktiivs Partnermodäll
Si chömed e Vergüetig pro verarbeitets Päckli über.

Naachhaltige Biitraag:
Si hälfed mit, Transportwääg z’bündle und Emissioone z’reduziere.

PÄCKLI SCHOPP WERDE

Fraage und Antworte

Bi Fraage: äifach frööge

Sicher händ Si no di äint oder ander Fraag zum Planzer Päckli Schopp. Da une ruumed öisi Päckliprofis di hüüfigschte Unklarhäite bisiite.

Allgemäini Fraage

Was isch en Planzer Päckli Schopp?

Das isch en Abhol- und Abgaabeschtell, entweder als Partner-Schopp oder als Abholbox konzipiert. Da chönd Si Iri Päckli flexiibel überchoo, uufgää oder röturniere – wänn und wo’s für Sii am beschte passt.

Wie erkänn ich, öb mis Päckli in en Schopp gliferet wird?

Wämer Ires Päckli nüd chönd zueschtele, dänn legemer Ine a Naachricht per Ii-Meil oder als Chaarte in Ire Briefchaschte. Deet druf wiisemer Si druf hii, dass mir Ires Päckli in en Schopp i de Nööchi umgläitet händ. I dere Informazioon finded Si au en Zueschtellschlüssel, en Link oder de QR-Kood, mit dem Si is Empfängerportaal chömed. Deet finded Si ali Detäils zu Irem Päckli.

Weli Versandhändler schaffed mit Planzer Pakeet zäme?

Mir händ de Päckli Schopp als Serviss nöi gschtartet und teschted en zurziit mit äinige Partnerundernäme uus. Sobald sich die Löösig bewäärt, werdemer öises Versandhändlernetzwerch laufend erwiitere.

Werum läitet Planzer automaatisch Päckli in en Schopp um?

Demit Ire Empfänger oder Sii als Päcklichund Iri Sändig no schnäller überchömed. Wämer es Päckli nüd chönd übergää oder deponiere, dänn läitemer’s automaatisch in en Planzer Päckli Schopp i de Nööchi um. So chönd Sii als Empfänger Iri Sändig bekwääm und ziitnööch abhole.

Fraage vo Empfänger

Was choschted mich dä Dienscht?

Ine als Empfänger entschtönd käi zuesätzlichi Choschte.

Was mues ich mitbringe, damit ich mis Päckli im Päckli Schopp chan abhole?

Bitte bringed Si de digitaal oder uusdruckt Abholkood und en Personaaluuswiis mit. Dademit chönd Ine d’Schopp-Betriiber Ires Päckli unkompliziert übergää. De Abholkood finded Si uf em Empfängerportaal.

Wie lang liit mis Päckli im Päckl-Schopp zur Abholig parat?

I de Regel bliibt Ires Päckli 7 Tääg im Schopp. Mir erinnered Si nomal, churz bevoor Iri Abholfrischt ablauft.

Chan öpper andersch mis Päckli für mich abhole?

Ja, das gaat. Erfassed Si dadefür im Empfängerportaal de vollschtändig Name vo de abholende Persoon. Die mues sich bim Abhole im Planzer Päckli Schopp mit emene gültige Uuswiis uuswiise und de Abholkood zäige.

Fraage vo Päckli-Schopp-Schtandortbetriiber

Was isch en Planzer Päckli Schopp us Sicht vomene Betriiber?

Als Betriiber vomene Planzer Päckli Schopp übernämed Si d’Funkzioon vonere Päckliaanaameschtell. Sie ermögliched de Empfang, d’Uusgaab und d’Rückgaab vo Päckli. Mir sorged defüür, dass sich die Ufgabe äifach i Ire beschtehendi Gschäftsalltaag integriere lönd.

Weli Voruussetzige mues min Schtandort erfüle?

Si bruuched en öffentlich zuegängliche Schtandort mit chundefründliche Öffnigsziite, es bitzli Laagerflächi für Päckli und e minimaali technischi Grunduusschtattig (z.B. Schtroom und WLAN). Di technischi Aabindig übernämed mir.

Weli Ufgabe übernimm ich als Schopp-Betriiber?

Si nämed Päckli entgäge, gänd die gäge Identifikazioon a d’Empfänger use und nämed Rötuure oder Versandpäckli aa. Mir händ d’Prozäss so schlank schtrukturiert, dass Sii die liecht chönd umsetze.

Wie mues ich als Päckli-Schopp-Betriiber technisch uusgrüschtet sii?

Als Päckli-Schopp-Betriiber bruuched Si e geäigneti Uusschtattig. Für d’Nutzig vo de Schopp-Aawändig bruuched Si es Smaartfoun, Täblet oder en Kompjuuter. Das Gräät mues entweder über en integrierti Kamera oder en externe 2D-Baarkoodskänner verfüege, demit Si chönd Päckli skäne.

ab 01.06.2026
Nazionaal	5%