Skip to main content
Hilf für Empfänger
Unterstützig für Absänder

Päckli verschikke und überchoo

Am liebschte persöönlich und unkompliziert

Mir möchted sämtlichi Unklaarhäite besiitige. Bitte wääled Si s’ Theema, wo Si Fraage händ. Mir schtatted Si mit mögliche Antworte uus und eröffned Ine wiiteri Kontaktmöglichkäite.

Underschtützig für Empfänger

Für jedes Probleem en individuelli Löösig

Zueschtelig ändere

A de Zueschtelig vo Irem Päckli chönd Si Änderige im Empfängerportaal nur dänn voornää, 

  • wänn Si de Link i de Ii-Meil- oder SMS-Benaachrichtigung vom Absänder oder vo Planzer Pakeet diräkt aaklikked oder 
  • wänn Si sich bim Empfängerportaal mit de gliiche Ii-Meil-Adrässe regischtriered, wo de Absänder für Iri Sändig hinderläit hät. 
Was isch en Ii-Meil- oder SMS-Benaachrichtigung?

Sobald es Päckli mit Planzer Pakeet verschikkt wird, chömed Si e Benaachrichtigung vom Absänder oder vo Planzer Pakeet über.

Ich ha käi Ii-Meil- oder SMS-Benaachrichtigung überchoo. Was jetzt?

Prüefed Si bitte zerscht Ire Späm-Ordner.

Es git Absänder, wo käi Benaachrichtigung mit Aagabe (Sändigsnummere etc.) zu öisere Sändig mached oder käin Link zu öisem Empfängerportaal integriered. I dem Fall empfelemer Ine, de Absänder diräkt z’kontaktiere.

Werum chan ich Änderige nur diräkt über d’Benaachrichtigung oder nachere Regischtrierig voornää?

Wäg de Sicherhäit vo Irne Daate. Drum chönd Si Änderige nur diräkt über d’Benaachrichtigung oder mitere Regischtrierig voornää. So bliibed Iri Sändig und Iri Daate i sichere Hände.

Sändig verfolge

Si chönd Iri Sändig uf öisem Empfängerportaal verfolge. Bitte gänd Si Iri Sändigsnummere ii. So chömed Si is Empfängerportaal:


Hiiwiis: Uf dem Wääg chönd Si käi Änderige voornää, sondern nur de Staatus vo Irere Sändig aaluege. Möchted Si Aapassige a de Zueschtelig mache, benutzed Si de Link us de Ii-Meil oder SMS-Benaachrichtigung vom Absänder oder vo Planzer Pakeet.

Wo find ich d’Sändigsnummere?

Si händ e Ii-Meil- oder SMS-Benaachrichtigung mit «E Sändig isch underwägs für Sii» überchoo. I dere Naachricht finded Si Iri Sändigsnummere. Wänn Sie käi Ii-Meil- oder SMS-Benaachrichtigung überchoo händ oder deet käi Sändigsnummere finded, dänn kontaktiered Si bitte de Absänder vo Irem Päckli.

Wänn wird mis Päckli zuegschtellt?

I de Ii-Meil-Benaachrichtigung und im Empfängerportaal finded Si d’Informazioone zum Zueschtelldaatum.

Wänn Si trotzdem no Fraage händ, wändet Si sich bitte mit dem Formulaar a öisi Zentraale für Chundeaalige.

Wie chan ich de Lifertermiin aapasse?

I de Ii-Meil oder SMS-Benaachrichtigung finded Si de Link zum Empfängerportaal. Deet chönd Si under «Zustelltag» s’Zueschtelldaatum (Lifertermiin) ändere. Falls Si trotzdem no Fraage händ, dänn wänded Si sich mit dem Formulaar a öisi Zentraale für Chundeaalige.

Wie chan ich mini Liferadrässe aapasse?

I de Ii-Meil oder SMS-Benaachrichtigung finded Si de Link zum Empfängerportaal. Deet chönd Si under «Zueschtelig schtüüre» d’Zueschtelladrässe ändere. Fäält die Option oder isch uusgraut, erlaubt de Absänder vo Irem Päckli käi Änderig. Bitte kontaktiered Si dää diräkt.

Sändig nomal zueschtele oder Päckli im Päckli Schopp abhole

Bi de erschte Zueschtelig sind Si nüd erräichbaar gsii. Drum hämer e Zueschtellchaarte i Irem Briefchaschte hinderlaa. Uf dere Zueschtellchaarte finded Si en Zueschtellschlüssel. Mit dem chönd Si nomal e Zueschtelig veraalasse oder Si gseend, i welem Planzer Päckli Schopp mir Ires Päckli hinderläit händ.

Si chönd Iri Zueschtelig im Empfängerportaal bearbäite. Bitte gänd Si Ire Zueschtellschlüssel ii. Mit dem chömed Si is Empfängerportaal.

Im Empfängerportaal chönd Si under “Zueschtelltaag” es nöis Zueschtelldaatum uuswähle. Und uf Wunsch erfassed Si under «Deponierort» en Deponierhiiwiis.

Hiiwiis: Falls d’Opzioon gääl hinderläit odär uusgraut isch, hät de Absänder vo Irem Päckli es Deponierverbot verhänkt. I dem Fall wänded Si sich bitte diräkt a Ire Absänder.

Wo find ich de Zueschtellschlüssel?

Wänn Si bim erschte Zueschtellversuech nüd erräichbaar gsii sind, dänn hämer e Zueschtellchaarte i Irem Briefchaschte hinderläit. Uf dere Chaarte finded Si de Zueschtellschlüssel.

Ich ha käin Zueschtellschlüssel. Was mues i mache?

Wänn Sie käi Zueschtellchaarte überchoo händ oder Hilf bruuched, dänn wänded Si sich mit dem Formulaar bitte a öisi Zentraale für Chundeaalige.

Was isch en Planzer Päckli Schopp?

Das isch en Abhol- und Abgaabeschtell, entweder als Partner-Schopp oder als Abholbox konzipiert. Deet chönd Sie flexiibel und bekwääm Iri Päckli überchoo, uufgää oder röturniere, täilwiis sogar rund um d’Uur. Wänn Ires Päckli automaatisch an en Päckli Schopp umgläitet worde isch, dänn sind Si bim erschte Zueschtellversuech nüd dihäi gsii oder händ käi Deponierig erlaubt. Mee Informazioone zum Planzer Päckli Schopp finded Si daa. 

Deponierig erlaube

Im Empfängerportaal chönd Si entweder für en äinzelni Sändig oder – nach Regischtrierig  – e generelli Deponiergeneemigung hinderlege. 

Hiiwiis: Falls d’Opzion gääl hinderläit oder uusgraut isch, hät de Absänder vo Irem Päckli es Deponierverbot verhänkt. I dem Fall wänded Si sich bitte diräkt a Ire Absänder.

Wo isch mis Päckli deponiert worde?

Wänn de Absänder öis erlaubt hät, Iri Sändig z’deponiere, dänn wird Ires Päckli im Briefchaschte, im Innere vom Gebäude oder sicher und witterigsgschützt vor de Huustür deponiert. Bimene Deponierhiiwiis vo Ine wird s’Päckli gemäss Irne Deponierinschtrukzioone abgschtellt.

Wänn Si Ires Päckli nüd chönd finde, dänn chömed Si über de Link i öisere Ii-Meil- oder SMS-Benaachrichtigung is Empfängerportaal und chönd under «Liferbestätigung» Ire Lifernaachwiis reschp. s’Deponierföteli abelade.

Isch es möglich, dass Si jedes Päckli deponiered?

Ja, sofern de Absänder vo Irem Päckli käis Deponierverbot hinderläit hät und Si sich im Empfängerportaal regischtriered.

Wichtig: Di duurhafti Deponierig funkzioniert nur, wänn Sie sich im Empfängerportaal mit de gliiche Ii-Meil-Adrässe regischtriered, wo de Absänder für Iri Sändig aagää hät.

Ich möcht d’Deponierig erlaube, bruuch aber Hilf.

Wänded Si sich mit dem Formulaar bitte a öisi Zentraale für Chundeaalige. Si chönd öis per Formulaar d’Deponierigsgeneemigung ertäile und de gwünscht Deponierigsort aagää.

Lifernaachwiis oder Deponierföteli überchoo

Nachdämm mir Ires Päckli deponiert händ, schikkemer Ine e Ii-Meil- oder SMS-Benaachrichtigung. Über de Link chömed Si uf öises Empfängerportaal. Deet chönd Si under «Liferbestätigung” Ire Lifernaachwiis oder s’Deponierföteli abelade.

Ich ha käis Ii-Meil oder SMS überchoo. Was jetzt?

Wänded Si sich mit dem Formulaar bitte a öisi Zentraale für Chundeaalige.

Wiiteri FAQ

Ich cha mis Päckli nüd finde. Was jetzt?
  1. Bitte prüefed Si de Schtaatus vo Irere Sändig im Ii-Meil/SMS oder im Empfängerportaal. D’Sändig mues de Schtaatus/Hiiwiis «Sändig zuegschtellt» haa.
  2. Wänn’s zuegschtellt worde isch, prüfed Si im Empfängerportaal under “Liferbestätigung” de Lifernaachwiis und s’Deponierföteli.

  3. Wänn Si s’Päckli immer nonig chönd finde, dänn wänded Si sich mit dem Formulaar bitte a öisi Zentraale für Chundeaalige.

Mis Päckli hät en Schade oder isch verloore gange. Was mues i jetzt mache?

Bitte entschuldiged Si, dass nüd ales odnigsgmääss abgloffe isch. Für e Schade- oder Verluschtmäldig wänded Si sich bitte diräkt an Absänder.

Hiiwiis: Für e Schademäldig verlangt de Absänder vo Irem Päckli es Föteli vo de beschädigte Waar, vom Päckli und vo de Sändigsettigette.

Ich möcht mis Päckli an Absänder röturniere. Was mues i mache?

Bitte kontaktiered Si Ire Absänder. So chönd Si d’Rükkfüerig vo Irere Sändig iiläite.

Kontaktformular

Zentraale für Chundeaalige kontaktiere

Wänn Si öisi Zentraale für Chundeaalige telefoonisch kontaktiere möchted, dänn klikked Si daa.

Underschtützig für Absänder

Gern für Sii und Iri Versandaalige daa

Als Absänder chönd Si Iri Sändige diräkt i öisem Chundeportaal nachverfolge. Wiiteri Informazioone zu öisne Logischtikdienschtläischtige finded Si daa.

Wänn Sie öise Chundedienscht kontaktiere möchted, dann füled Si bitte s’Formulaar obe “ich versende ein Paket” uus.

JETZT BIM EMPFÄNGERPORTAAL REGISCHTRIERE

E Registrierig bi üsem Empfängerportal büütet Ihne interessant Vorteil:

  • Si bhalted de Überblikk über sämtlichi Sändige.
  • Si ändered sälbschtändig Eggdaate vo Irne Sändige, sofern de Absänder die Funkzioon nüd iigschränkt hät.
  • Si ertäiled öis e duurhafti Deponiererlaubnis oder hinderleged e Umläitig zum Planzer Päckli Schopp.

Übrigens: Das funkzioniert nur, wänn Si sich mit de gliiche Ii-Meil-Adrässe regischtriered, wo Si am Absänder aagää händ.

JETZT REGISCHTRIERE ODER AAMÄLDE

Persöönliche Kontakt

Mir reded Iri Schpraach

Zentraale für Chundeaalige Määntig bis Friitig
08.00 bis 18.00 Uur

0848 00 19 36(CHF 0.08/Min. vom Schwiizer Feschtnetz)

Hiiwiis Wänns um de Empfang vo äim oder meerere Päckli gaat, dänn mached Si für Rükkfraage bitte Iri Sändigsnummere paraat. Danke vilmaal.

Sändig verfolge
Offerte aafordere
Tschöpps

Erwarted Si es Päckli? Wänn Si öis Iri Sändigsnummere aagänd, verraated mir Ine, wos isch.

Sändigsnummere iigèè

Bruuched Si Hilf?