De Grossvatter Max Planzer hät de Grundschtäi für d’Planzer-Gruppe 1936 gläit. Sit 1966 isch s’Undernäme e Akziegsellschaft und bis hüt i Familiebsitz. 2018 hämer de Päckliserviss Planzer Pakeet gründet. Dademit büütemer öisne Chundine und Chunde die Logischtikdienschtläischtige, wo iri Wertschöpfig abrunded.
Näbed em zueverlääsige Päckliserviss büütemer flexiibli Logischtiklöösige für jedes Aalige: nazionaali und internazionaali Transpört, professionelli Laagerlogischtik und Fulfillment für KMUs und Groossundernäme, moderni IT-Aabindige und Sitti-Logischtik. Je nach Firma und Bedarf lönd sich sämtlichi Dienschtläischtige vo öis wie Bauschtäi kombiniere.
Naachhaltigkäit
Für Generazioone gmacht, vo de 3. Generazioon gfüert
Naachhaltigkäit isch en Täil vo öisere DNA als Familieundernäme. Das macht öis äinzigartig, sowool als Familie als au als Undernäme i de dritte Generazioon. Öise Aaschpruch a naachhaltigs Wirtschafte chunt vor alem i de Aart und Wiis zum Trääge, wie mir Waare und Päckli dur d’Schwiiz transportiered. Siit 1996 nutzedmer für de Transport über wiiti Schtrekke di emissioonsaarm Baan als Hauptvercheersträäger. Uf de letschte Mäile übernimmt öises guet uusbildete Faarpersonaal d’Uusliferig und Zueschtelig.
Öise Plaan fürs groosse Ganze
Naachhaltigkäit liit öis als Familie und Undernäme am Herze. Dänn nur wämer hüt naachhaltig agiered, chönd das nächschti Generazioone au no mache.
Wer bi Planzer schafft, übernimmt Verantwortig und finded Löösige. Und zwar gmäinsam, nüde eläi. Mänsche, wo das au so gseend, büütemer verlässlichi Arbetsplätz, Entwikkligsmöglichkäite und es Umfäld, wo mer ufenand cha zele.
Offerte aafordere 
Tschöpps